പാനൂർ: പാനൂർ മേഖലയിൽ ശ്രീകൃഷ്ണജയന്തി ആഘോഷങ്ങൾക്കുള്ള ഒരുക്കങ്ങൾ പൂർത്തിയായതായി സ്വാഗതസംഘം ഭാരവാഹികൾ അറിയിച്ചു. സെപ്റ്റംബർ നാലിന് ബാലഗോകുലത്തിന്റെ നേതൃത്വത്തിൽ ഏഴ് മഹാ ശോഭായാത്രകളും അൻപതിലേറെ വിവിധ സാംസ്കാരിക-ആത്മീയ പരിപാടികളും സംഘടിപ്പിക്കും.
ആഘോഷങ്ങളുടെ ഭാഗമായി കുട്ടികളുടെ കലാപരിപാടികൾ, ഉറിയടി, സാംസ്കാരിക സമ്മേളനങ്ങൾ തുടങ്ങിയവ വിവിധ കേന്ദ്രങ്ങളിൽ നടക്കും. സ്വാഗതസംഘം പ്രസിഡന്റ് അരവിന്ദൻ മാസ്റ്റർ, കെ. സുബീഷ്, അജയകുമാർ, ദൃശ്യ റീജിത്ത് എന്നിവരാണ് വാർത്താസമ്മേളനത്തിൽ വിവരങ്ങൾ പങ്കുവെച്ചത്.
