പാനൂർ: സമഗ്ര ശിക്ഷാ കേരളം (എസ്എസ്കെ) കണ്ണൂർ ജില്ലാ പ്രോഗ്രാം ഓഫീസറായി മൊകേരി രാജീവ് ഗാന്ധി മെമ്മോറിയൽ ഹയർ സെക്കൻഡറി സ്കൂൾ അധ്യാപകൻ സി വി എ ജലീലിനെ നിയമിച്ചു.
കെപിഎസ്ടിഎ സംസ്ഥാന നിർവാഹക സമിതി അംഗം കൂടിയാണ് ജലീൽ മാസ്റ്റർ. ചെണ്ടയാട് കുനുമ്മൽ സ്വദേശിയായ ഇദ്ദേഹം പൊതുവിദ്യാഭ്യാസ രംഗത്ത് ദീർഘകാലത്തെ പ്രവർത്തന പരിചയമുള്ള അധ്യാപകനാണ്. പുതിയ ചുമതലയേറ്റെടുക്കുന്ന ഇദ്ദേഹത്തിന് വിദ്യാഭ്യാസ മേഖലയിലെ വിവിധ സംഘടനകളും സഹപ്രവർത്തകരും ആശംസകൾ അറിയിച്ചു.
