പാനൂർ: സാമ്പത്തികമായി പിന്നോക്കം നിൽക്കുന്ന എസ്.എസ്.എ.ൽ.സി വിദ്യാർത്ഥികളുടെ പഠനമികവിനായി അഞ്ച് ലക്ഷം രൂപയുടെ സ്കോളർഷിപ്പ് പദ്ധതിയുമായി മൊകേരി യങ് മൈൻഡ് ഇന്റർനാഷണൽ (Mokeri Young Minds International). പാനൂർ മേഖലയിലെ അർഹരായ വിദ്യാർത്ഥികൾക്ക് ട്യൂഷൻ ഫീസ് ഇനത്തിലാണ് ഈ സഹായം നൽകുകയെന്ന് ഭാരവാഹികൾ വാർത്താ സമ്മേളനത്തിൽ അറിയിച്ചു
പഠനത്തിൽ മികവ് പുലർത്തുന്നവരും എന്നാൽ സാമ്പത്തിക പ്രയാസങ്ങൾ കാരണം ട്യൂഷൻ ക്ലാസുകൾക്ക് പോകാൻ സാധിക്കാത്തവരുമായ വിദ്യാർത്ഥികളെ സഹായിക്കുകയാണ് ഈ പദ്ധതിയുടെ ലക്ഷ്യം. ഓരോ വിദ്യാർത്ഥിക്കും അവരുടെ പഠന ആവശ്യങ്ങൾക്കനുസരിച്ച് 3000 രൂപ മുതൽ 8000 രൂപ വരെയാണ് സ്കോളർഷിപ്പ് തുകയായി ലഭിക്കുക
ലോകമെമ്പാടും 13 രാജ്യങ്ങളിലായി 750-ഓളം ശാഖകളുള്ള യങ് മൈൻഡ് ഇന്റർനാഷണൽ, ചുരുങ്ങിയ കാലയളവിനുള്ളിൽ ശ്രദ്ധേയമായ ജീവകാരുണ്യ പ്രവർത്തനങ്ങളാണ് നടത്തിവരുന്നത് ബംഗളൂരു ആസ്ഥാനമായി പ്രവർത്തിക്കുന്ന ഈ സംഘടനയുടെ കേരളത്തിലെ പ്രവർത്തനങ്ങളുടെ ഭാഗമായാണ് പാനൂരിലെ വിദ്യാർത്ഥികൾക്കായി ഇത്തരമൊരു ബൃഹത്തായ പദ്ധതി നടപ്പിലാക്കുന്നത്.
വാർത്താ സമ്മേളനത്തിൽ ഇന്ത്യ ഏരിയ റീജിയൻ പ്രസിഡന്റ് നാസർ, വി.എൻ രൂപേഷ്, കെ. ബിനോജ് എന്നിവർ പങ്കെടുത്തു.വരും ദിവസങ്ങളിൽ സ്കോളർഷിപ്പിന് അപേക്ഷിക്കേണ്ട രീതിയെക്കുറിച്ചുള്ള കൂടുതൽ വിവരങ്ങൾ സംഘടന പുറത്തുവിടും.
