പാനൂർ: തലശേരി റെയിൽവേ സ്റ്റേഷൻ സമീപത്തെ ഒരു മരമില്ലിലുണ്ടായ അപകടത്തിൽ പരിക്കേറ്റ യുവാവ് ചികിത്സയ്ക്കിടെ മരിച്ചു. കൂരാറ സ്വദേശിയായ കഴുങ്ങുംവെള്ളി വട്ടക്കുനിയിൽ വാസുവിന്റെയും വനജയുടെയും മകൻ പ്രവീൺ (39) ആണു മരണപ്പെട്ടത്.
കഴിഞ്ഞ ദിവസമാണ് മരമില്ലിൽ ഉണ്ടായ അപകടത്തിൽ പ്രവീണിന് ഗുരുതരമായി പരിക്കേറ്റത്. കോഴിക്കോട് മെഡിക്കൽ കോളേജിൽ ചികിത്സയിലിരിക്കെയാണ് അദ്ദേഹം അന്തരിച്ചത്. പ്രജീഷ് സഹോദരനാണ്.
