പെരിങ്ങത്തൂർ : പെരിങ്ങത്തൂർ - മേക്കുന്ന് റോഡിൽ ഗുരുജി മുക്കിൽ പ്രവർത്തിച്ചു വന്ന പെരിങ്ങത്തൂർ വൈദ്യുതി സെക്ഷൻ ഓഫീസിൻ്റെ പ്രവർത്തനം മാറ്റി.
പെരിങ്ങത്തൂർ -കടവത്തൂർ റോഡിൽ പുല്ലൂക്കര കല്ലറ മടപ്പുരക്ക് സമീപത്തെ ടാർജറ്റ് കോംപ്ലക്സിലാണ് പുതിയ ഓഫീസ് സെക്ഷൻ
പരിധിയിൽ 94 ട്രാൻസ്ഫോർമറിന് കീഴിൽ 17500 വൈദ്യുതി ഉപഭോക്താക്കളുണ്ട് .കൂടുതൽ സൗകര്യങ്ങളുള്ള കെട്ടിടമാണ് സജ്ജമായിരിക്കുന്നത് .
കെ.പി. മോഹനൻ എം.എൽ. എ പുതിയ ഓഫീസ് ഉദ്ഘാടനം ചെയ്തു. നഗരസഭാ സ്റ്റാൻ്റിംഗ്‌ കമ്മിറ്റി ചെയർപേഴ്സൺ ഉമൈസ തിരുവമ്പാടി അധ്യക്ഷത വഹിച്ചു.
അസി.എക്സി. എൻജീനീയർ എ.പി. വിജേഷ് റിപ്പോർട്ട് അവതരിപ്പിച്ചു. ഗ്രാമ പഞ്ചായത്ത് പ്രസിഡൻ്റുമാരായ സി.കെ.രമ്യ, സക്കീന തെക്കയിൽ, പദ്മിനി ടീച്ചർ,നഗരസഭാ ഉപാധ്യക്ഷ റുഖ്സാന ഇഖ്ബാൽ, നഹ് ല ബഷീർ, വി.നാസർ മാസ്റ്റർ, രമേശ് കൂടത്തിൽ, എം.സജീവൻ, വി.പി.വേണുഗോപാൽ എൻ.പി മുനീർ, രാജൻ മാക്കാണ്ടി, എം.പി.പ്രജീഷ്, രാജൻ കെ ശബരി, വി.പി.അബൂബക്കർ, രാമചന്ദ്രൻ ജോത്സ്ന , എന്നിവർ സംസാരിച്ചു. എക്സി.എൻജീനീയർ സി.മഹിജ സ്വാഗതം പറഞ്ഞു.
