പാനൂർ: കുന്നോത്തു പറമ്പില്‍ ഭർതൃമതി വീട്ടു കിണറ്റില്‍ മരിച്ച നിലയില്‍ കണ്ടെത്തി.
പാനൂർ താഴെ കുന്നോത്തു പറമ്പിലെ കൂളിച്ചാലില്‍ ലക്ഷ്യ നിവാസില്‍ നിമിഷയെയാണ് (39) ഇന്ന് രാവിലെ വീട്ട് കിണറ്റില്‍ മരിച്ച നിലയില്‍ കണ്ടെത്തിയത്. രാവിലെ നിമിഷയെ കാണാതായതിനെ തുടർന്ന് തിരച്ചില്‍ നടത്തുകയായിരുന്നു.
പാനൂർ അഗ്നിശമന സേന അസി. സ്റ്റേഷൻ ഓഫീസർ കെ. അനില്‍ കുമാറിൻ്റെ നേതൃത്വത്തില്‍ അഗ്നി ശമന സേനയെത്തി മൃതദേഹം പുറത്തെടുക്കുകയായിരുന്നു. പൊലീസ് ഇൻക്വസ്റ്റ് നടത്തിയ മൃതദേഹം പോസ്റ്റ്മോർട്ടത്തിനായി തലശ്ശേരി ജനറല്‍ ആശുപത്രിയിലേക്ക് മാറ്റി.
ഭർത്താവ് : പ്രവാസിയായ അനില്‍കുമാർ
മക്കള്‍: റോണക്, രണ്‍വിത് (ഇരുവരും വിദ്യാർത്ഥികള്‍, കൊളവല്ലൂർ യു.പി. സ്‌കൂള്‍). സംഭവത്തില്‍ അസ്വാഭാവിക മരണത്തിന് കേസെടുത്ത് പൊലീസ്.
