പാനൂർ: ഉജ്ജ്വല പദ്ധതിയുടെ ഭാഗമായി ചിത്രരചന, പ്രബന്ധ രചന ക്യാമ്പ് നടത്തി. പാനൂർ ബ്ലോക്ക്‌ പഞ്ചായത്തിന്റെ വാർഷിക പദ്ധതിയുടെ ഭാഗമായി ചൊക്ലി, കതിരൂർ, മൊകേരി, പന്നിയന്നൂർ ഗ്രാമ പഞ്ചായത്തുകളിലെ വനിതകൾക്കാണ് ക്യാമ്പ് ഒരുക്കിയത്. അടുക്കളക്കുള്ളിൽ കുടുങ്ങി കിടക്കുന്ന വനിതകൾക്ക് അവരുടെ സർഗ്ഗശേഷി പൊതു വേദികളിൽ പ്രകടിപ്പിക്കാനുള്ള അവസരമാണ് ഇത്തരം പദ്ധതിയിലൂടെ ബ്ലോക്ക്‌ പഞ്ചായത്ത്‌ നൽകുന്നത്.
എക്സ്റ്റൻഷൻ ഓഫീസർ ബാബു മണപ്പാട്ടി ക്യാമ്പിന് നേതൃത്വം നൽകി. ബ്ലോക്ക്‌ പഞ്ചായത്ത്‌ പ്രസിഡന്റ് എ ശൈലജ, വൈസ് പ്രസിഡന്റ് ടി ടി റംല, സ്റ്റാന്റിംഗ് കമ്മിറ്റി ചെയർപേഴ്സൻ പ്രസീത എൻ, സി ഡി പി ഒ ആശാലത പി വി, ജി ഇ ഒ സന്തോഷ്‌ മമ്മാലി, ജെ എസ് രാജീവൻ പി തുടങ്ങിയവർ സംസാരിച്ചു.
