പാനൂർ: ആൾ കേരള ഫോട്ടോഗ്രാഫേഴ്സ് അസോസിയേഷൻ പാനൂർ മേഖല സമ്മേളനം ഒക്ടോബർ 29ന് ചൊവ്വാഴ്ച്ച വൈശാലി രാജൻ നഗറിൽ ( പാനൂർ വ്യാപാരഭവൻ ) എ.കെ.പി.എ മേഖല പ്രസിഡൻറ് സുബീഷ്.കെ.ടി യുടെ അധ്യക്ഷയിൽ എ.കെ.പി. എ ജില്ലാ പ്രസിഡൻ്റ് ഷിബുരാജ് .എസ് സമ്മേളനം ഉദ്ഘാടനവും, വിവിധ മേഖലകളിൽ കഴിവ് പ്രകടിച്ചവരെ അനുമോദിക്കുകയും ചെയ്തു.
ജില്ലാ സെക്രട്ടറി സുനിൽ വടക്കുമ്പാട് സംഘടനാ റിപ്പോർട്ട് അവതരിപ്പിച്ചു. ജില്ലാ ട്രഷറർ വിധിലേഷ് അനുരാഗ്, മേഖല ഇൻ ചാർജ് അബ്ദുൾ മുത്തലിബ് എന്നിവർ ആശംസകൾ നേർന്നു.
മേഖല സെക്രട്ടറി ബാബുരാജ് കുന്നോത്ത്പറമ്പ് പ്രവർത്തന റിപ്പോർട്ടും ,മേഖല ട്രഷറർ അനൂപ്. പി. പി വാർഷിക വരവ് ചെലവ് കണക്കും അവതരിപ്പിച്ചു. പുതിയ ഭാരവാഹികളായി രാഗേഷ് പാലക്കൂൽ പ്രസിഡൻ്റ്, അനൂപ്. പി.പി വൈസ് പ്രസിഡൻ്റ്, ശരത്ത് സി.വി സെക്രട്ടറി, ഷിജു പാറാട് ജോയിൻ്റ് സെക്രട്ടറി
രജിത്ത്.കെ.പി ട്രഷറർ, ബാബുരാജ് കുന്നോത്ത്പറമ്പ്, സുബീഷ്.കെ.ടി, രജിത്ത് .കെ. പി എന്നിവരെ ജില്ലാ കമ്മിറ്റി അംഗങ്ങളായും തെരഞ്ഞെടുത്തു.
