മയ്യിൽ: വാഹനാപകടത്തിൽ പരുക്കേറ്റ മയ്യിൽ സ്വദേശിയായ യുവാവ് ചികിത്സയ്ക്കിടെ മരണമടഞ്ഞു. മയ്യിൽ കടൂർ ഒറവയലിലെ പി വി അനുരാഗാണ് (19) മരിച്ചത്.
കണിയാർവയലിലെ പി വി ബാബു- ഒറവയലിലെ പുത്തൻ പുരയിൽ കെ ബീന എന്നിവരുടെ മകനാണ്. സഹോദരി: പി വി അനുഷ്ക.
തിങ്കളാഴ്ച്ച രാവിലെ ഒൻപത് മുതൽ വീട്ടിൽ പൊതുദർശനം, തുടർന്ന് പകൽ 11 മണിയോടെ കുറ്റ്യാട്ടൂർ പൊറോലം ശാന്തിവനത്തിൽ സംസ്കാരം നടക്കും.
കഴിഞ്ഞയാഴ്ച്ച ചെറുവത്തല മൊട്ടയിൽ വച്ചുണ്ടായ വാഹന അപകടത്തിൽ ഗുരുതരമായി പരുക്കേറ്റ് ആശുപത്രിയിൽ ചികിത്സയിലിരിക്കെയാണ് യുവാവ് മരണമടയുന്നത്.
