പാനൂർ: കുടിവെള്ള വിതരണ പൈപ്പിടാനായി കുഴിച്ച കുഴിയില്‍ വീണ് ഓട്ടോറിക്ഷ മറിഞ്ഞ് മൂന്നു പേർക്ക് പരിക്ക്.
ദമ്പതികളടക്കം മൂന്ന് പേർക്കാണ് പരിക്കേറ്റത്. കുനുമ്മല്‍ ചെണ്ടയാട് റോഡിലാണ് ഇന്ന് ഉച്ചയോടെയായിരുന്നു അപകടം.
KL 58 F 3092 നമ്പർ ഓട്ടോയാണ് അപകടത്തില്‍ പെട്ട് മറിഞ്ഞത്. ചെണ്ടയാട് കിഴക്ക് വയലിലെ ചൂണ്ടയില്‍ സുരേഷ് (72), ഭാര്യ രമ (60), അയല്‍വാസി കൈതേരി കുണ്ടിയില്‍ ശ്രീജിന (40) എന്നിവർക്കാണ് സാരമായി പരിക്കേറ്റത്.
ഇവരെ തലശ്ശേരി സഹകരണ ആശുപത്രിയില്‍ പ്രവേശിപ്പിച്ചു. എതിരെ വന്ന വാഹനത്തിന് സൈഡ് കൊടുക്കുന്നതിനിടെ കുഴിയില്‍ വീണ് ഓട്ടോറിക്ഷ മറിയുകയായിരുന്നു. അപകടത്തില്‍ ഓട്ടോയുടെ മുൻഭാഗം പൂർണമായും തകർന്നു.
