ചൊക്ലി : റിപ്പബ്ലിക് ദിനത്തോട് അനുബന്ധിച്ച് രാമവിലാസം ഹയർ സെക്കൻഡറി സ്കൂളിൽ ദേശീയ പതാക ഉയർത്തി പ്രിൻസിപ്പാൾ പ്രശാന്തൻ തച്ചറത്ത് ആഘോഷങ്ങൾക്ക് തുടക്കം കുറിച്ചു.
മുഖ്യാതിഥി റിട്ടയേർഡ് ലെഫ്റ്റനന്റ് കേണൽ എസ് ജയപ്രകാശ് റിപ്പബ്ലിക് ദിന പരേഡിന്റെ സല്യൂട്ട് സ്വീകരിച്ചു.
ഹെഡ്മാസ്റ്റർ പ്രദീപ് കിനാത്തി സ്വാഗതവും പിടിഎ പ്രസിഡണ്ട് കെ ടി കെ പ്രദീപൻ അധ്യക്ഷതയും വഹിച്ചു. മുഖ്യാതിഥികൾക്കുള്ള ഉപഹാര സമർപ്പണം സ്കൂൾ മാനേജർ പ്രസീദ് കുമാർ കെ നിർവഹിച്ചു.
റിട്ടയേർഡ് സുബൈദാർ മേജർ രഘുനാഥൻ എം പി, ഡെപ്യൂട്ടി ഹെഡ്മിസ്ട്രസ് സ്മിത എൻ, സ്റ്റാഫ് സെക്രട്ടറി എ രചീഷ് ആശംസകൾ അറിയിച്ചു സംസാരിക്കുകയും കൺവീനർ അമൽ രാജ് നന്ദിയും പറഞ്ഞു. എൻസിസി ഓഫീസർ ടി പി രാവിദിന്റെ സാന്നിധ്യത്തിൽ സർജന്റ് മേജർ ശ്രീഭദ്ര എസ് പരേഡിന് നേതൃത്വം നൽകി.
