കല്ലിക്കണ്ടി : വന്യ മൃഗങ്ങൾ നാട്ടിലിറങ്ങി മനുഷ്യ ജീവനും കൃഷിക്കും വ്യാപകമായ നാശ നഷ്ടങ്ങൾ ഉണ്ടാക്കുന്ന സാഹചര്യത്തിൽ സർക്കാർ അലംഭാവം കാട്ടുന്നതിൽ പ്രതിഷേധിച്ച് കർഷക കോൺഗ്രസ് കൂത്തുപറമ്പ നിയോജക മണ്ഡലം കമ്മിറ്റി പന്തം കൊളുത്തി പ്രകടനം നടത്തി.
വണ്ണം മന്ത്രി എ കെ ശശീന്ദ്രൻ രാജി വെക്കുക, കൃഷി ഭൂമിയിലിറങ്ങുന്ന വന്യ മൃഗങ്ങളെ കൊല്ലാനുള്ള അധികാരം കർഷകർക്ക് നൽകുക,കർഷകർക്ക് ന്യായമായ നഷ്ട പരിഹാരം നൽകുക എന്നീ ആവശ്യങ്ങൾ ഉന്നയിച്ചു കൊണ്ട് കല്ലിക്കണ്ടിയിൽ നടത്തിയ പ്രകടനം സംസ്ഥാന നിർവാഹക സമിതി അംഗം കെപി കുമാരൻ കൊച്ചു ഉദ്ഘാടനം ചെയ്തു.
നിയോജക മണ്ഡലം പ്രസിഡന്റ് കെ സുരേഷ്ബാബു അധ്യക്ഷത വഹിച്ചു. പി. കൃഷണൻ മാസ്റ്റർ, കെ.കെ ദിനേശൻ, കെ.എം വിജയൻ, സജീവൻ ഇ, കെ.കെ ഭാസ്കരൻ, ആർ.അബ്ദുള്ള, എ.പി ചന്ദ്രൻ, കെ.പി വിശ്വനാഥൻ, എം.പി നാരായണൻ, എം.കെ രാജൻ, പി.എം അഹമദ്, എ.വാസു, എം.നാണു എന്നിവർ സംസാരിച്ചു.
