പാനൂർ:പാനൂരിൽ വീണ്ടും പ്ലസ് ടു- പ്ലസ് വൺ വിദ്യാർത്ഥി സംഘർഷം. ജംഗ്ഷനിൽ ഏറ്റുമുട്ടിയ വിദ്യാർത്ഥികളെ ടാക്സി ഡ്രൈവർമാരും, വ്യാപാരികളും പിടിച്ചു മാറ്റി.
കെ.കെ.വി.എം എച്ച്.എസ്.എസിലെ പ്ലസ് ടു - പ്ലസ് വൺ വിദ്യാർത്ഥികളാണ് ഇന്ന് ഉച്ചയോടെ തമ്മിലടിച്ചത്. ടൗൺ ജംഗ്ഷനിൽ ഹെൽമറ്റ് അടക്കമുള്ള സാധനങ്ങൾ ഉപയോഗിച്ച് തമ്മിലടിച്ച് ഭീകരാന്തരീഷം സൃഷ്ടിച്ചു. സമീപത്തെ ടാക്സി ഡ്രൈവർമാരും, വ്യാപാരികളും ഓടിയെത്തി വിദ്യാർത്ഥികളെ പിടിച്ചു മാറ്റുന്നതിനിടെ ടാക്സി ഡ്രൈവർ ഇ.മനീഷിന് പുറത്ത് ഹെൽമറ്റ് കൊണ്ടുള്ള അടിയുമേറ്റു.പാനൂരിൽ ഇത് മൂന്നാം തവണയാണ് പ്ലസ്‌ടു - പ്ലസ് വൺ വിദ്യാർത്ഥികൾ ഏറ്റുമുട്ടുന്നത്.വിദ്യാർത്ഥികൾക്കെതിരെ ജുവൈനൽ ജസ്റ്റിസ് ആക്ട് പ്രകാരം കേസെടുക്കാനുള്ള ഒരുക്കത്തിലാണ് പൊലീസ്.
