പാനൂർ: സ്‌കൂള്‍ വിദ്യാർത്ഥിനിയെ ബസില്‍ വച്ച്‌ കടന്നു പിടിച്ച ഇതര സംസ്ഥാന തൊഴിലാളിയെ പോക്സോ നിയമപ്രകാരം പോലീസ് അറസ്റ്റ് ചെയ്‌തു.
ഝാർഖണ്‌ഡ് സ്വദേശിയായ ജാബിദ് അൻസാരി (29) യെയാണ് കൊളവല്ലൂർ പോലീസ് അറസ്റ്റ് ചെയ്ത‌ത്. വൈകിട്ടാണ് ഇയാള്‍ പിടിയിലായത്.
കൊളവല്ലൂർ പോലീസ് സ്റ്റേഷൻ പരിധിയില്‍ താമസക്കാരിയായ 15 കാരി സ്‌കൂള്‍ വിട്ട് ബസില്‍ മടങ്ങവെ യാത്രക്കാരനായ ജാബിദ് അൻസാരി കടന്നു പിടിക്കുകയായിരുന്നു.
പെണ്‍കുട്ടി ബഹളം വെച്ചതോടെ ബസിലെ യാത്രക്കാരാണ് ഇയാളെ പിടികൂടി പോലീസിലേല്‍പ്പിച്ചത്.
