പാനൂർ: വിശ്വപ്രസിദ്ധ പണ്ഡിതൻ പാനൂർ തങ്ങൾ 15ാം ആണ്ട് അനുസ്മരണം മൊകേരി തങ്ങൾ പീടിക സഹ്റ കാമ്പസിൽ ആരംഭിച്ചു.സയ്യിദ് മുഹമ്മദ് മഖ്ദൂം അൽ ബുഖാരിയുടെ നേതൃത്വത്തിൽ നടന്ന മഖാം സിയാറത്തോടെയാണ് 2 ദിവസം നടക്കുന്ന അനുസ്മരണ പരിപാടികൾക്ക് തുടക്കമായത്.
മൊകേരി തങ്ങൾപീടികയിലെ പാനൂർ തങ്ങൾ മഖാമിൽ നടന്ന സിയാറത്തിന് സയ്യിദ് മുഹമ്മദ് മഖ്ദൂം അൽബുഖാരി നേതൃത്യം നൽകി.
ജാമിഅ:സഹ്റ ജനറൽ സെക്രട്ടറി വൈ.എം അസ്‌ലം, ജാമിഅ:സഹ്റ സി ഇ ഒ ടി.പി മുസ്തഫ, കൊറ്റു പുറത്തു മഹമൂദ് ഹാജി, റഹീം പൂക്കോം എന്നിവർ സംബന്ധിച്ചു.
രാത്രി 7 ന് നടന്ന മതപ്രഭാഷണം സയ്യിദ് ശിഹാബുദ്ദീൻ അൽ ഹൈദ്രോസി കല്ലറക്കൽ ഉദ്ഘാടനം ചെയ്തു.നൗഫൽ സഖാഫി കളസ മുഖ്യപ്രഭാഷണം നടത്തി. 27ന് രാവിലെ 10 ന് ഖത് മുൽ ഖുർആൻ, പ്രാർത്ഥന സംഗമം എന്നിവ നടക്കും. തുടർന്ന് അനുസ്മരണ സംഗമം ഉദ്ഘാടനം സമസ്ത കേരള ജംഇയ്യത്തുൽ ഉലമ പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങൾ നിർവ്വഹിക്കും. ഉച്ചയ്ക്ക് 1.30 ന് അന്നദാനത്തോടെ അനുസ്മരണ പരിപാടി സമാപിക്കും.
