പെരിങ്ങത്തൂർ : യങ് ഇന്നോവേറ്റേഴ്സ് പ്രോഗ്രാം ശാസ്ത്രപഥം ഏഴാം പതിപ്പ് ആശയ സമർപ്പണത്തിൽ പെരിങ്ങത്തൂർ എൻ എ എം ഹയർ സെക്കണ്ടറി സ്കൂൾ സംസ്ഥാനത്ത് രണ്ടാമത്.414 ആശയങ്ങൾ സമർപ്പിച്ചാണ് സ്കൂൾ രണ്ടാം സ്ഥാനത്തെത്തിയത്. ആശയ സമർപ്പണം നടത്തിയ വിദ്യാർത്ഥികളെയും ഇതിന് വേണ്ടി പ്രയത്നിച്ച അധ്യാപകരെയും സ്കൂൾ പി ടി എ , മാനേജ്മെന്റ് സ്റ്റാഫ് സംയുക്തമായി അനുമോദിച്ചു. പ്രിൻസിപ്പാൾ ഡോ.എൻ എ മുഹമ്മദ് റഫീഖ് ചടങ്ങ് ഉദ്ഘാടനം ചെയ്തു. ഹെഡ്മാസ്റ്റർ വി.കെ അബ്ദുൽ നാസർ അധ്യക്ഷത വഹിച്ചു. പി ടി എ വൈസ് പ്രസിഡണ്ട് ജാസ്മിന ദാവൂദ്, ബി നസ്റീന,പി കെ നൗഷാദ്, സി ഐ റിയാസ്, പി കെ ബുഷറ , നസ്റീന എന്നിവർ സംസാരിച്ചു.
