പെരിങ്ങത്തൂർ :38 വർഷങ്ങൾക്ക് മുമ്പുള്ള സ്വാതന്ത്ര്യ ദിന അനുഭവങ്ങൾ പങ്കുവെച്ച് പുല്ലൂക്കര വിഷ്ണുവിലാസം യു.പി. സ്കൂൾ 1984-86 ബാച്ചിലെ പൂർവ്വവിദ്യാർത്ഥികൾ വീണ്ടും സ്വാതന്ത്ര്യദിനത്തിൽ ഒത്തുകൂടി. ഈകാലയളവിൽ ജോലി ചെയ്ത അധ്യാപകരെയും ആദരിച്ചു.
ടി. വിജയമ്മ , കെ. രോഹിണി ,എം.ഒ. സഹദേവൻ, പി. നാരായണൻ, പി.കെ. ഗോപാലകൃഷ്ണൻ ,കെ. അബ്ദുസലാം ,കെ. അനന്തൻ ,എ.ചന്ദ്രൻ എന്നീ അധ്യാപകരെയാണ് ആദരിച്ചത് .
സ്കൂൾ മാനേജരും പാനൂർ നഗരസഭ കൗൺസിലുമായ കെ. ദാസൻ ഉദ്ഘാടനം ചെയ്തു. എം.ആർ. രാജീവൻ അധ്യക്ഷത വഹിച്ചു. സാദിഖ് പട്ടർ പടിക്കൽ, ടി.കെ. മുനീർ , വി.പി. അഷറഫ് , കെ.കെ. ദിനേശൻ, സ്കൂൾ പ്രഥമാധ്യാപകൻ കെ.പി. രഞ്ജിത്ത് ,ഒ.പി. മുനീർ എന്നിവർ സംസാരിച്ചു.
