പാനൂർ: നിയമസഭാ തിരഞ്ഞെടുപ്പിന് മുന്നോടിയായി സുരക്ഷാ ക്രമീകരണങ്ങൾ ശക്തമാക്കുന്നതിന്റെ ഭാഗമായി കൊളവല്ലൂർ മേഖലയിൽ കേന്ദ്രസേനയും പോലീസും സംയുക്തമായി റൂട്ട് മാർച്ച് നടത്തി.
പ്രദേശത്തെ ക്രമസമാധാന നില ഉറപ്പു വരുത്തുന്നതിനും വോട്ടർമാരിൽ ആത്മവിശ്വാസം വളർത്തുന്നതിനുമായാണ് മാർച്ച് സംഘടിപ്പിച്ചത്.
കൊളവല്ലൂർ പോലീസ് സ്റ്റേഷൻ പരിധിയിലെ വിവിധ കേന്ദ്രങ്ങളിലൂടെ കടന്നുപോയ സേനാംഗങ്ങളെ ഹൃദ്യമായ രീതിയിലാണ് നാട്ടുകാരും വ്യാപാരികളും സ്വീകരിച്ചത്. കടുത്ത ചൂടിനെ അവഗണിച്ചും മാർച്ചിൽ പങ്കെടുത്ത ഉദ്യോഗസ്ഥർക്ക് വ്യാപാരികൾ കുടിവെള്ളവും മധുരപലഹാരങ്ങളും വിതരണം ചെയ്തു.
ജനങ്ങളും സുരക്ഷാ ഉദ്യോഗസ്ഥരും തമ്മിലുള്ള സൗഹൃദപരമായ അന്തരീക്ഷം ദൃശ്യമായ നിമിഷങ്ങളായിരുന്നു ഇത്. വരും ദിവസങ്ങളിലും മേഖലയിലെ മറ്റ് ഭാഗങ്ങളിൽ സമാനമായ രീതിയിലുള്ള സുരക്ഷാ പരിശോധനകളും റൂട്ട് മാർച്ചുകളും തുടരുമെന്ന് അധികൃതർ അറിയിച്ചു.
