ചെണ്ടയാട്: പാനൂർ ചെണ്ടയാട് കിഴക്കു വയൽ പ്രദേശത്ത് തെരുവുനായയുടെ വിളയാട്ടം. വഴിയാത്രക്കാരായ സ്ത്രീക്കും കുട്ടിക്കും നായയുടെ കടിയേറ്റു. മൊട്ടപ്പമ്പത്ത് പ്രീത, വെളിച്ചമുള്ള പറമ്പത്ത് ഹൃദ്വിൻ എന്നിവർക്കാണ് ഇന്ന് രാവിലെ പരിക്കേറ്റത്.
നായയ്ക്ക് പേവിഷബാധ സംശയിക്കുന്നതിനാൽ പ്രദേശവാസികൾ അതീവ ജാഗ്രത പാലിക്കണമെന്ന് പഞ്ചായത്ത് അധികൃതർ അറിയിച്ചു. പരിക്കേറ്റവർ ആശുപത്രിയിൽ ചികിത്സ തേടിയിട്ടുണ്ട്. അക്രമാസക്തമായ നായ പ്രദേശത്ത് തന്നെ തുടരുന്നത് ജനങ്ങളെ ഭീതിയിലാഴ്ത്തിയിരിക്കുകയാണ്. നായയെ പിടികൂടാനുള്ള നടപടികൾ സ്വീകരിക്കണമെന്ന് നാട്ടുകാർ ആവശ്യപ്പെട്ടു.
