പാട്യം : കേരള വനിതാ കമ്മീഷനും പാട്യം പഞ്ചായത്തും ചേർന്ന് സംഘടിപ്പിച്ച സബ്ജില്ലാതല വനിതാ സെമിനാറും പഞ്ചായത്തിൻ്റെ സ്ത്രീപദവി പഠന റിപ്പോർട്ട് പ്രകാശനവും സംസ്ഥാന വനിതാ കമ്മീഷൻ അധ്യക്ഷ അഡ്വ. പി. സതീദേവി നിർവഹിച്ചു. പഞ്ചായത്ത് വാഗ്ഭടാനന്ദ ഹാളിൽ നടന്ന ചടങ്ങിൽ പഞ്ചായത്ത് വൈസ് പ്രസിഡന്റ് കെ.പി.പ്രദീപൻ അധ്യക്ഷത വഹിച്ചു. വി.കെ.പ്രകാശിനി ക്ലാസ് എടുത്തു. കമ്മ്യൂണിറ്റി വുമൺ ഫെസിലിറ്റേറ്റർ കെ.പി. അഷിത റിപ്പോർട്ട് അവതരിപ്പിച്ചു. കേരള വനിതാ കമ്മീഷൻ അംഗം അഡ്വ. കുഞ്ഞായിഷ, പഞ്ചായത്ത് സ്ഥിരം സമിതി അധ്യക്ഷ രായ ടി.സുജാത, മുഹമ്മദ് ഫായിസ് അരൂൾ, ബ്ലോക്ക് പഞ്ചായത്ത് അംഗം പി.റോജ, സിഡിഎസ് അധ്യക്ഷ സി. സജിന, എം.സി.രാഘവൻ, കെ.അരവിന്ദാക്ഷൻ, വി.പി. മോഹനൻ, കെ.കെ. സമീർ, ചോഴൻ വസന്ത എന്നിവർ പ്രസംഗിച്ചു.
