ഇരിട്ടി: പഴശ്ശി പദ്ധതി ജലാശയത്തിന്റെ ഭാഗമായ എടക്കാനം പുഴയിൽ കാണാതായ പാനൂർ പാത്തിപ്പാലം സ്വദേശി വിപിൻ (30) ൻ്റെ മൃതദേഹം ഇന്ന് പുലർച്ചെ കണ്ടെത്തി.
കണ്ണൂർ ജില്ലയിലെ വിവിധ നിലയങ്ങളിലെ സ്‌കൂബാ റെസ്‌ക്യൂ ടീം സംഘങ്ങളാണ് എടക്കാനത്ത് തിരച്ചിൽ നടത്തിയത്. എടക്കാനം വ്യൂ പോയന്റിൽ ഞായറാഴ്ച വൈകുന്നേരം 6 മണിയോടെയായിരുന്നു സംഭവം. പുഴയിൽ ഇറങ്ങി നീന്തുന്നതിടെ വിപിൻ വെള്ളത്തിൽ മുങ്ങിത്താഴുകയായിരുന്നു . ഒരു മരണാനന്തര ചടങ്ങിൽ പങ്കെടുത്തശേഷം സ്ഥലത്തെ ഒരു ബന്ധുവിന്റെ വീട്ടിൽ എത്തിയശേഷം സ്ഥലം കാണാനായി എത്തിയതായിരുന്നു. ഇരിട്ടിയിൽ നിന്നും അഗ്നിശമനസേനയെത്തി തിരച്ചിൽ നടത്തിയെങ്കിലും കണ്ടെത്താനായില്ല. രാത്രി വൈകിയതോടെ അവസാനിപ്പിച്ച തിരച്ചിൽ തിങ്കളാഴ്ച രാവിലെ ഏഴു മണിയോടെ വീണ്ടും തുടരുകയായിരുന്നു. ചൊവ്വാഴ്ച പുലർച്ചെയാണ് മൃതദേഹം കണ്ടെത്തിയത്.
