പാനൂർ : വിവിധ പരീക്ഷകളിൽ ഉന്നത വിജയം കൈവരിച്ച പ്രതിഭകളെ ചൊക്ലി ശ്രീനാരായണ വായനശാല അനുമോദിച്ചു. വി. പി. ഓറിയന്റൽ ഹൈസ്‌ക്കൂളിൽ നടന്ന പരിപാടി താലൂക്ക് ലൈബ്രറി കൌൺസിൽ സെക്രട്ടറി പവിത്രൻ മൊകേരി ഉദ്‌ഘാടനം ചെയ്തു. ഗ്രാമപഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയർമാൻ നവാസ് പരത്തീന്റവിട അധ്യക്ഷത വഹിച്ച പരിപാടിയിൽ ഡോ. എ. പി. ശ്രീധരൻ മുഖ്യാതിഥിയായി.
എൻ എം എം എസ് വിജയികൾ, എൽ എസ് എസ് വിജയികൾ, യു എസ് എസ് വിജയികൾ, എസ് എസ് എൽ സി,, പ്ലസ് ടു, യൂണിവേഴ്സിറ്റിതല പരീക്ഷകളിൽ ഉയർന്ന വിജയം കൈവരിച്ചവർ എന്നിവരെ പരിപാടിയിൽ അനുമോദിച്ചു.
വിദ്യാഭ്യാസ വകുപ്പിൽ ദീർഘകാലത്തെ സേവനത്തിനുശേഷം വിരമിച്ച വി.പി. രജിലനെ ഗ്രാമപഞ്ചായത്ത് പ്രസിഡൻറ് സി.കെ.രമ്യ ടീച്ചർ ചടങ്ങിൽവെച്ച് ഉപഹാരം നൽകി ആദരിച്ചു. ഗ്രാമപഞ്ചായത്ത് മെമ്പർ പി ടി കെ ഗീത, കെ പ്രദീപ് എന്നിവർ സംസാരിച്ചു.
