കൂത്തുപറമ്പ് :പഴശ്ശി ഇറിഗേഷന്റെ ഭാഗമായ ഇരിട്ടി എടക്കാനം പുഴയില്‍ പാനൂര്‍ പാത്തിപ്പാലം സ്വദേശിയായ യുവാവിനെ കാണാതായി. സുഹൃത്തുക്കള്‍ക്കൊപ്പം എടക്കാനം വ്യൂപോയിന്റില്‍ എത്തിയതായിരുന്നു. പുഴയില്‍ ഇറങ്ങിയ 36 കാരനെയാണ് കാണാതായത്. ഞായറാഴ്ച വൈകിട്ട് 6 മണിയോടെയായിരുന്നു സംഭവം. വിവരമറിഞ്ഞ് സ്ഥലത്തെത്തിയ ഇരിട്ടി ഫയര്‍ഫോഴ്‌സ് സംഘം ഏറെ നേരം നടത്തിയ തെരച്ചിലില്‍ ആളെ കണ്ടെത്താനായില്ല. ഇരുട്ടായതിനാല്‍ തെരച്ചില്‍ നിര്‍ത്തിവെച്ചിരിക്കുകയാണ്. തിങ്കളാഴ്ച 7 മണിയോടെ തിരച്ചില്‍ ആരംഭിക്കും. ജില്ലയിലെ വിവിധ നിലയങ്ങളിലെ സ്‌കൂബാ റെസ്‌ക്യൂ ടീം സംഘങ്ങള്‍ നാളെ എടക്കാനത്ത് എത്തും.
